Верзија 1.0.1

Избери платформа

Бесплатна едукативна игра за корупција, избори и интегритет.

Сива Зона

Стипендија во странство. Краток рок. Секој избор остава трага.

  • Интегритет
  • Репутација
  • Време
  • Пари

Корупцијата ретко изгледа како злосторство. Изгледа како услуга, кратенка, мал исклучок: сивата зона меѓу правилното и погрешното. Тука секој избор остава трага, а само еден пат го чува твојот интегритет.

Твои избори. Твој интегритет.

Играш како средношколец во последната година кој аплицира за стипендија во странство. Рокот е краток: собери документи, соработувај со институции, подготви се за тест по англиски и помини го интервјуто.

На секој чекор избираш меѓу чесна работа и коруптивна кратенка. Твоите одлуки влијаат врз интегритетот, репутацијата, времето и парите — и водат до различни завршетоци. Добивањето стипендија е само дел од предизвикот. Важно е и како ќе ја заслужиш.

За млади луѓе и едукатори

  • Препознај корупција во секојдневни ситуации, вклучувајќи услуги и навидум безопасни кратенки.
  • Вежбај критичко размислување, процени ги последиците и размисли за интегритетот и чесноста.
  • Користи ја играта за дискусии во училница и во неформални средини за учење.

Што следи играта

  • ИнтегритетСекоја кратенка откинува парче од него.

  • РепутацијаШто другите веруваат дека си направил.

  • Време · Ден 1Часовникот не застанува, ниту кога е отворено менито.

  • ПариНекои врати се отвораат за пари.

Четири шалтери. Еден рок.

Штиклирај едно поле на секој формулар.

Извод од матична книга

Апликацијата бара извод. Редицата во општината е до врата, а рокот тече.
Потпис

Потврда од секретаријат

Секретарката треба да ти потпише потврда. Вели дека ќе биде готова „за некоја недела“.
Потпис

Тест по англиски

Ти треба сертификат по англиски. Некој нуди одговори од минатиот рок.
Потпис

Интервју

На интервјуто те прашуваат за оценките. Една четворка би можела „да стане“ петка.
Потпис

Одлука за стипендијата

  • Извод од матична книга—
  • Потврда од секретаријат—
  • Тест по англиски—
  • Интервју—
Непознато

Одговори на сите четири формулари за да ја видиш одлуката.

Во играта изборите се повеќе, а последиците траат подолго.Помини го целиот пат

Упатство за играње

Тркалото се врти само. Повлечи го или избери чекор.Избери чекор или користи ги стрелките. Сликите не се менуваат сами.Прочитај ги чекорите и разгледај ги сликите од играта.

  1. Упатство од играта: Статусна Лента

    Чекор 01 / 07

    Статусна Лента

    Кликни на копчињата под лентата!

  2. Упатство од играта: Преглед на Задачи

    Чекор 02 / 07

    Преглед на Задачи

    Задачите се прикажани на таблата.

    Сите картички се главни задачи.

    Нови задачи ќе се појавуваат во текот на приказната.

    Таблата е тука да ти покаже до каде си со напредок.

    Таблата се отвара со кликање на копчето Т.

  3. Упатство од играта: Детални Задачи

    Чекор 03 / 07

    Детални Задачи

    Зелено = Завршена Задача

    Црвено = Неуспешна Задача

    Со кликање на задача се отвара детален преглед со сите потребни чекори!

  4. Упатство од играта: Дијалог

    Чекор 04 / 07

    Дијалог

    Кликни на карактерите за да почнеш разговор.

    Некои избори се еднократни – мисли пред да одбереш!

  5. Упатство од играта: Активности

    Чекор 05 / 07

    Активности

    Ова копче е твојот начин да провериш што е достапно во твојата околина.

    Со неговото отворање секогаш можеш да видиш достапни акции.

    Исто така преку него се патува од една до друга локација.

  6. Упатство од играта: Подесувања

    Чекор 06 / 07

    Подесувања

    Се отвара со кликање на ESC.

    Ова мени ти дозволува промена на звукот и музиката во играта. Додека е вклучено прозорецот времето тече!

  7. Упатство од играта: Сивата Зона

    Чекор 07 / 07

    Сивата Зона

    Светот околу тебе реагира на твоите одлуки.

    Можеш да одбереш чесната страна, да користиш кратенки или да останеш во сивата зона.

    Секоја акција остава трага – некои се видливи одма, други дури кога веќе е предоцна.

Запознај го тимот на „Сива Зона“

Отвори досие и прочитај кој што направил.

Тимот на „Сива Зона“ во маици со логото на играта
  1. Филип Младенович

    Креатор

    Страствен софтверски инженер / развивач на видео игри со искуство во компонирање електронска музика и дизајн на звук. Моментално е во потрага по диплома, а воедно работи на креативни проекти кои прикажуваат уметност, технологија, простор и креативност. Искуството и во техничките и во уметничките области му овозможува да пристапува кон проблемите од уникатни перспективи и да нуди елегантни решенија. Дополнително, поседува вештини како што се 3Д моделирање, 3Д рендеринг, видео едитирање и дизајн на сајтови.

    • Програмирање
    • Музика
    • Дизајн на звук
    • UI/UX
    • Веб-страница
    • Концепт на играта
  2. Александар Талевски

    Креатор

    Тој е програмер со силен интерес за игри и интерактивни искуства. Уште од рана возраст, видео игрите ја инспирирале неговата љубопитност, не само како играч, туку и како креатор. Ужива во анализа на она што ги прави игрите привлечни и во преведување на тие идеи во свои концепти. Освен пишување код, тој има и искуство во сајбер безбедноста, што му дава нови перцепции во контекст на креирање видео игри. Без разлика дали развива видео игри или слични проекти, тој секогаш апсорбира идеи од различни проекти.

    • Концепт на играта
    • UI/UX
    • Програмирање
  3. Христина Јовчевска

    Координатор на проект

    Христина е координатор на проекти со докажано искуство во развивање и водење на младински иницијативи насочени кон општествени промени. Во рамките на проектот, таа обезбедува целокупна стратешка координација - од планирање и организирање активности до градење партнерства и обезбедување видливост. Нејзиниот фокус е на тоа резултатите од проектот да бидат практични, релевантни и препознаени од целната група. Со способноста да ги забележува трендовите и да ги преточи во ангажирачка, едукативна содржина, таа помага да се осигури дека иницијативата е иновативна и одржлива.

    • Концепт на играта
    • Координација на настани
  4. Мартин Настески

    Дизајнер на карактери

    Мартин е дизајнер на ликови фокусиран на обликување на визуелниот идентитет и индивидуалноста на ликовите во играта. Од раните скици до финализираните дизајни, тој работи на пропорции, изрази и детали што им даваат автентичност и препознатливост на ликовите. Со балансирање на естетиката со можноста за играње, тој гарантира дека секој лик е визуелно привлечен и функционален во анимацијата и играта. Неговите дизајни им помагаат на играчите да формираат емоционални врски, додавајќи длабочина и личност на целокупното искуство во играта.

    • Уметност
    • Дизајн на ликови
  5. Огнен Кипријаноски

    Координатор за односи со јавност

    Огнен е одговорен за комуникацијата и промоцијата на иницијативата. Тој обезбедува видливост на проектот преку медиумско покривање, соработка со јавни личности и институции и активно вклучување на заедницата. Тој ги планира и координира сите активности поврзани со комуникациската стратегија, осигурувајќи се дека секоја порака е прецизна, релевантна и усогласена со вредностите на проектот. Со систематски и професионален пристап, Огнен ги следи резултатите од кампањата и ги прилагодува стратегиите за да го зголеми влијанието и ангажирањето на заедницата. Комбинирајќи ја креативноста со аналитичкото размислување, тој создава содржина што е впечатлива, убедлива и достапна за разновидна публика.

    • Социјални мрежи
  6. Филип Симоновски

    Дизајнер на позадини

    Филип е дизајнер на позадини фокусиран на создавање импресивни средини и сцени што го збогатуваат искуството на играчот. Неговата работа нагласува просторни композиции и атмосферски дизајн, внимателно балансирајќи ја естетиката и функционалноста. Од изборот на бои и светлосни ефекти до деталните елементи, тој се грижи секоја позадина да биде живописна и привлечна. Како мултимедијален студент страствен за дизајн на игри, Филип ја комбинира креативноста со силни технички и практични вештини, испорачувајќи визуелни елементи кои се хармонични и функционални. Неговите дизајни не само што создаваат препознатлив визуелен идентитет, туку им овозможуваат и на играчите целосно да се потопат во светот на играта.

    • Уметност
    • Дизајн на околина
  7. Мина Здравевска

    Координатор на едукативни содржини

    Мина е стратешки ориентирана креативка фокусирана на развој и имплементација на содржина што е ангажирачка и директно применлива за целната публика. Таа внимателно ги анализира потребите на корисниците и создава решенија што го поттикнуваат ангажманот и долгорочната вредност. Таа е посветена на тоа да се осигура дека секоја содржина е интерактивна и лесно достапна. Комбинирајќи креативност, аналитичко размислување и свест за актуелните трендови, Мина гарантира дека проектите се не само иновативни, туку и ефикасни во пракса. Нејзината посветеност гарантира дека секој чекор од процесот е добро испланиран и структурирано извршен.

    • Графички дизајн
    • Едукативна содржина
  8. Тестери на играта

    Тестирање

    Нашиот посветен тим за тестирање на игри обезбеди искуство со играње со највисок квалитет преку ригорозно тестирање, откривање грешки и целокупни повратни информации.

    Посебна благодарност до Кристијан Србиноски, Никола Шиколе, Зафир Богдановиќ, Андреј Златанов и Христијан Петковски.

    • Тестирање на играта
    • UX
    • Повратни информации
  9. Зафир Богдановиќ

    Главен тестер на играта

    Зафир е главен тестер на „Сива зона“, одговорен за тестирање на играта во текот на нејзиниот развој и идентификување технички недостатоци, проблеми во гејмплејот и можности за подобрување. Преку континуирано тестирање и детални повратни информации, придонесува кон создавање пофункционално, интуитивно и интересно искуство за играчите.

    • Водење на тестирањето
    • UX
    • Повратни информации

Твој потег

Играта е бесплатна, без регистрација. Земи пропусница и влези во сивата зона.

Контактирај Нѐ!

Сподели мислење, прашај за користење на „Сива Зона“ во училница или предложи соработка. За грешка во играта, отвори пријава на GitHub со оперативниот систем, верзијата на играта и чекорите за повторување на проблемот. Пријавите се јавни; не внесувај лични податоци.